РАЁННАЕ СВЯТА НАРОДНЫХ ПРОМЫСЛАЎ І ФАЛЬКЛОРУ «З НАРОДНЫМІ ТРАДЫЦЫЯМІ Ў НОВЫ ВЕК»

З НАРОДНЫМІ ТРАДЫЦЫЯМІ Ў НОВЫ ВЕК

РАЁННАЕ СВЯТА НАРОДНЫХ ПРОМЫСЛАЎ І ФАЛЬКЛОРУ

29 жніўня а 15:00 у Гарадскім скверы адбудзецца раённае свята народных промыслаў і фальклору “З народнымі традыцыямі ў новы век”.

Менавіта ад нас залежыць захаванне ўнiкальнага асяроддзя традыцыйнай культуры. Традыцыйная народная творчасць – не толькі гістарычны скарб, але і жывая з’ява сённяшніх дзён. Ёю можна з поўным правам ганачыцца, але і адначасова прымаць меры па зберажэнні і адраджэнні.

Свята народных промыслаў і фальклору “З народнай творчасцю ў новы век” уяўляе сабою этнаграфічную прэзентацыю народнай творчасці, рамёстваў і дэкаратыўна-прыкладнога мастацтва, майстроў і ўмельцаў Ганцаўшчыны. Гэта народнае свята павінна аб’яднаць усіх, хто любіць і шануе народныя традыцыі, мясцовыя песні, танцы, абрады.

Для ўдзельнікаў і гасцей свята падрыхтавана цікавая і разнастайная праграма. Вас чакаюць выступленні дарослых і дзіцячых фальклорных калектываў нашага раёну, падчас якіх можна будзе паслухаць музыку і патаньчыць. Будзе працаваць “Горад майстроў” (выставы-продаж вырабаў дэкаратыўна-прыкладнай творчасці майстроў і рамеснікаў нашага раёна, дзе можна набыць сувенірную прадукцыю); майстар-класы і творчыя прэзентацыі розных відаў рамёстваў, падчас якіх кожны жадаючы будзе мець магчымасць сам паспрабаваць зрабіць сабе сувенір.

 Падрабязней даведацца пра свята ці запісацца на рынак рамеснікаў можна па тэлефоне 2-21-48. Запрашаем!