Івану Шамякіну — 95!

29 студзеня на базе гарадской гімназіі адбыўся тэматычны ўрок «Пісьменніцкае сэрца на далоні», падрыхтаваны работнікамі цэнтральнай раённай бібліятэкі імя В.Праскурава. Мерапрыемства было прымеркавана да 95-годдзя з дня нараджэння народнага пісьменніка Беларусі Івана Шамякіна. Вядучыя пазнаёмілі вучняў з жыццём і творчасцю Івана Шамякіна, прадэманстравана відэа «Імгненні жыцця».

29 студзеня ў Любашаўскай інтаграванай сельскай бібліятэцы ў рамках аматарскага аб’яднання “Спадчына” адбылася літаратурная вечарына “Майстар беларускага слова”. У ходзе сустрэчы моладзь знаёмілася з творамі класіка, якія ўвайшлі ў залаты фонд беларускай літаратуры. Мерапрыемства суправаджалася мультэмедыйнай прэзентацыяй, была падрыхтавана выстава “Дар, дадзены Богам”.