Літаратурная сустрэча з Аляксеем Галаскокам «Паэт з нашага горада»
26 лютага супрацоўнікі ЦРБ імя В.Праскурава наладзілі літаратурную сустрэчу з Аляксеем Галаскокам «Паэт з нашага горада». Мерапрыемства прайшло на базе Ганцавіцкага тэрытарыяльнага цэнтра сацыяльнага абслугоўвання насельніцтва, дзе працуе аддзяленне дзённага знаходжання грамадзян пажылога ўзросту. Наведвальнікі цэнтра з цікавасцю слухалі аповяд аб жыцці і творчасці пісьменніка, дзяліліся ўраджаннямі аб прачытаных зборніках паэта, зачытвалі вершы, цікавіліся ў Аляксея Пятровіча творчымі планамі на будучае. А ў выкананні самадзейных артыстаў гучалі песні на яго словы.
