Незабыўная сустрэча ў дзіцячай бібліятэцы

 18 жніўня ў раённую дзіцячую бібліятэку завіталі наведвальнікі аддзялення дзённага знаходжання для інвалідаў ДУ «Ляхавіцкі ТЦСАІ». Госці пазнаёміліся з бібліятэкай, агледзелі выставачныя кампазіцыі і творчыя выставы Анатолія Халецкага і Валянціны Пазняковай. З добрым настроем паглядзелі выступленне ўзорнага лялечнага тэатра “Усмешка” па творах літаратара-земляка Алеся Каско. Зацікавіліся госці краязнаўчым пакоем пад назвай “Хата з матчынай душой”, экспанаты якога знаёмяць з культурай і бытам продкаў Ганцаўшчыны. Цёплая, кранальная сустрэча пад бібліятэчным дахам пакінула шмат добрых уражанняў не толькі ў ляхавіцкіх гасцей, але і бібліятэкараў.