Ад пакалення да пакалення

26 жніўня ў раённай дзіцячай бібліятэцы ў рамках праекта «Пераемнасць пакаленняў» адбылася сустрэча з мастакамі г. Новасібірска Расійскай Федэрацыі Аленай і Таццянай Зорынымі. Да мерапрыемства была аформлена аўтарская выстава «Глазам на радость, сердцу на память». Удзельнікі мерапрыемства не толькі атрымалі цудоўны майстар-клас ад мастакоў, але і сталі сведкамі «нараджэння» дзьвух карцін. А пад час працы над карцінамі мастачкі адказвалі на пытанні і апавядалі пра сваю творчасць. Юныя мастакі атрымалі слушныя парады ад майстроў кісці і палатна.