Запрашаем на калядную сустрэчу «Шчодры вечар»

14 студзеня а 12:00 у памяшканні Ганцавіцкай дзіцячай школы мастацтваў (вул. Мантажнікаў, 17) адбудзецца калядная сустрэча “Шчодры вечар”.

Дзіцячыя фальклорныя калектывы з вёсак Люсіна, Раздзялавічы, Хатынічы, Дзятлавічы (Лунінецкі р-н) і Крывошын (Ляхавіцкі р-н) у жывой нязмушанай атмасферы прадставяць традыцыі святкавання Каляд у сваёй мясцовасці. Удзельнікі гуртоў паспяхова вывучаюць і пераймаюць ад носьбітаў абрады, спевы, танцы ды іншыя складнікі традыцыйнай культуры, папулярызуюць культурную спадчыну свайго краю.

Для удзельнікаў і гасцей сустрэчы адбудзецца паказ каляднай дзеі “Цар Ірад” традыцыйнага лялечнага тэатра “Батлейка”.

Акрамя гэтага будуць падведзены вынікі і узнагароджаныя пераможцы конкурсу малюнкаў “Цуд на Каляды”.

Уваход вольны.

Запрашаем!

Ганцавіцкі раённы Дом рамёстваў
225432 г. Ганцавічы, вул. Кастрычніцкая, 3а
+ 375 1646 22148
facebook.com/crafts.hancaviczy
vk.com/crafts.hancaviczy
ok.ru/crafts.hancaviczy
instagram.com/crafts.house