Запрашаем на «Гуканне вясны» ў Дом рамёстваў

Ганцавіцкі раённы Дом рамёстваў запрашае на гульнёва-забаўляльную праграму «Гуканне вясны».

 Праграма «Гуканне вясны» з каляндарна-абрадавага цыклу прымеркаваная да шэрагу веснавых святаў. Праведзеная ў нязмушанай атмасферы гульнёва-забаўляльная праграма дапаможа раскрыць творчы патэнцыял дзіцяці, пазнаёміць з беларускімі народнымі традыцыямі, дазволіць праявіць свае індывідуальныя якасці і здольнасці працы ў камандзе.

Удзельнікі праграмы пазнаёмяцца з традыцыяй гукання вясны, з дапамогай самых звычайных матэрыялаў мы змайструем адзін з самых неабходных элементаў свята – веснавую птушку, якая мусіць прыцягваць да дрэў і гнёздаў сапраўдных птушак, што вясной вяртаюцца з выраю.

У дадатак мы прапануем усім разам пагуляць у гульні, у якія калісьці гулялі нашыя бабулі і дзядулі.

Праграма разлічаная на выхаванцаў дзіцячых садкоў, вучняў пачатковых і сярэдніх класаў.

Наведаць праграму можна з 27 сакавіка па 8 красавіка. Па пытаннях наведвання арганізаванымі групамі звяртайцеся ў Дом рамёстваў (+375 1646 22148). Працягласць праграмы – 1 гадзіна.

Запрашаем!

Ганцавіцкі раённы Дом рамёстваў
225432 г. Ганцавічы, вул. Суворава, 2
+ 375 1646 22148
facebook.com/crafts.hancaviczy
vk.com/crafts.hancaviczy
ok.ru/crafts.hancaviczy
instagram.com/crafts.house