ВОСЕНЬСКІ КІРМАШ У ДОМЕ РАМЁСТВАЎ

7 кастрычніка ў Доме рамёстваў прайшоў Восеньскі кірмаш, госці якога змаглі весела правесці час: пагуляць у гульні, патанцаваць разам з удзельнікамі фальклорна-этнаграфічнага гуртка «Хатовічы» і дзіцячага фальклорнага гуртка «Крынічка», прыняць удзел у майстар-класах па пляценню вянкоў, вырабе выцінанкі, лялькі-зернавушкі і пацерак з жалудоў, далучыцца да абраду — ссыпання агульнага Багача, пачаставацца гарбатай з рознымі зёлкамі і смачным караваем, а таксама зрабіць памятныя фотаздымкі.