НА КАЛЯДЫ Ў ДОМ РАМЁСТВАЎ

НА КАЛЯДЫ Ў ДОМ РАМЁСТВАЎ

забаўляльная праграма

 Надыходзяць чароўныя калядныя дні. Мы чакаем ад іх нейкага асаблівага настрою, марым пра здзяйсненне жаданняў ды недзе ў душы ўсё ж такі верым у цуд. Таму запрашаем вас таксама акунуцца ў гэтую чароўную атмасферу падчас забаўляльнай праграмы “На Каляды ў Дом рамёстваў”.

Для вас падрыхтавана шмат чаго цікавага і нават незвычайнага! Вас чакаюць Свінтус, Козачка і Шарык, каб адправіцца з вамі ў вясёлыя калядныя прыгоды. Яны раскажуць усе, што вы не ведалі пра Каляды, Новы год і Раство! Пазнаёмяць вас з традыцыямі святкавання Каляд на Беларусі! Правядуць пацешную экскурсію па выставе “Цуд на Каляды”. Пазнаёмяць з беларускім традыцыйным лялечным тэатрам “Батлейка”.

Сапраўдным цудам для вас стане каляднае батлеечнае прадстаўленне “Цар Ірад”, у аснову якога пакладзена біблейская гісторыя аб нараджэнні Ісуса Хрыста і злачынствах жорсткага цара Ірада.

Таксама Свінтус, Козачка і Шарык падрыхтавалі  для вас займальныя майстар-класы і гульні. Падчас праграмы кожны дакранецца да сапраўднага каляднага чараўніцтва.

Калядная забаўляльная праграма будзе цікава і дзецям, і дарослым! Чакаем на Каляды ў Доме рамёстваў!

Праграма даступная для наведвання з 19 снежня 2017 г. па 21 студзеня 2018 г. Кошт – 1р. 50кап.

Падрабязней даведацца пра забаўляльную праграму ці запісацца можна па тэлефоне 2-21-48. Запрашаем! З надыходзячымі святамі!