Калядная сустрэча «Шчодры вечар»

ШЧОДРЫ ВЕЧАР

калядная сустрэча

13 студзеня а 13:00 на сцэнічнай пляцоўцы Ганцавіцкага раённага дома рамёстваў (вул. Суворава, 2) адбудзецца калядная сустрэча “Шчодры вечар”.

Дарослыя і дзіцячыя фальклорныя калектывы з Ганцавіцкага і суседніх раёнаў у жывой нязмушанай атмасферы прадставяць традыцыі святкавання Каляд у сваёй мясцовасці. Удзельнікі гуртоў паспяхова вывучаюць і пераймаюць ад носьбітаў абрады, спевы, танцы ды іншыя складнікі традыцыйнай культуры, папулярызуюць культурную спадчыну свайго краю.

Для ўдзельнікаў і гасцей сустрэчы адбудзецца паказ каляднай дзеі “Цар Ірад” традыцыйнага лялечнага тэатра “Батлейка”, майстар-клас па вырабе каляднай зоркі, пляцоўка з гульнямі і гарбатай. Падчас мерапрыемства будзе працаваць рынак рамеснікаў, дзе можна набыць прыгожыя падарункі і сувеніры.

Акрамя гэтага будуць падведзены вынікі і ўзнагароджаны пераможцы конкурсу “Цуд на Каляды”.

Уваход свабодны!

Падрабязней даведацца пра сустрэчу ці запісацца на рынак рамеснікаў можна па тэлефоне 2-21-48. Запрашаем! Са святамі!