ВЫСТАВА ЧАРОЎНЫ СВЕТ ЛЯЛЕК

Ганцавіцкі раённы дом рамёстваў з 13 сакавіка па 14 красавіка 2018 г. запрашае наведаць выставу «Чароўны свет лялек».

На выставе прадстаўлены калекцыі лялек: Казак Ліліі Браніславаўны (в. Хатынічы), Кудравец Ліліі Аляксандраўны (г. Ганцавічы), Дзікляевай Валянціны Мікалаеўны (г. Ганцавічы), Паўлоўскай Антаніны Тадэвушаўны (г. Ганцавічы), Шуляк Наталлі Міхайлаўны (в. Дзяніскавічы), Канановіч Таццяны Мітрафанаўны (г. Ганцавічы), Занька Валянціны Васільеўны (в. Ганцавічы), Радзюк Людмілы Лявонаўны і Аляксейчык Марыны Леанідаўны (в. Агарэвічы), Кісялевіч Людмілы і Корсак Дар’і – удзельніц гуртка Раздзялавцкага СДК пад кіраўніцтвам Рабцэвіч Г.І., удзельнікаў гуртка СШ №3 пад кіраўніцтвам Рабцэвіч А.А., Яны Літвіновіч — удзельніцы гуртка Люсінскага д/с – СШ пад кіраўніцтвам Стрыжыч А.К., Рабцэвіч Ганны Уладзіміраўны (Раздзялавіцкая сельская бібліятэка) і Рабцэвіча Аляксея (Раздзялавіцкая СШ), удзельнікаў народнага клуба майстроў “Багач”, а таксама батлеечныя лялькі майстроў Дома рамёстваў.

Акунуцца ў чароўны свет лялек дапаможа падрыхтаваная забаўляльная праграма, падчас якой кожны даведаецца, наколькі незвычайнымі і рознымі бываюць лялькі: ад беларускіх абрадавых і пазаабрадавых да сучасных аўтарскіх лялек, зробленых рукамі мясцовых майстроў, у якіх выпадках іх выкарыстоўвалі, якімі магічнымі ўласцівасцямі яны валодаюць.

Праграма разлічана на выхаванцаў дзіцячых садкоў, вучняў пачатковых і сярэдніх класаў, а таксама наведвальнікаў лагераў.

Кошт наведвання выставы і забаўляльнай праграмы 1 рубель.

Запрашаем!