ВЫСТАВА «СІМФОНІЯ ЗЯМЛІ І ПОЛЫМЯ»

У пятніцу 23 сакавіка 2018 года а 16.00 у Ганцавіцкім раённым доме рамёстваў адбудзецца адкрыццё  выставы “Сімфонія зямлі і сонца” ганчара Віталя Шэпялевіча, члена Беларускага Саюза майстроў народнай творчасці.

 У экспазіцыі будзе прадстаўлена больш за 100 разнастайных прадметаў вырабленых майстрам у розных тэхніках: чорназдымленай, малачонай, гартаванай або абварной, глазураванай.

 На хвалі росту цікавасці да культурнай спадчыны, яе адраджэння і зберажэння прыкметна расце попыт на рукатворныя, унікальныя вырабы сучасных майстроў-ганчароў, якія плённа прадаўжаюць і развіваюць традыцыі рамяства.

 Кожны з вырабаў Віталя Шэпялевіча па-свойму непаўторны, што дасягнута дзякуючы высокаму ўзроўню майстэрства ганчара і творчаму падыходу да ганчарнай справы. 

Наведвальнікаў выставы чакае прагляд фільма пра ганцавіцкага ганчара, а таксама майстар-клас на ганчарным крузе ад Віталя Шэпялевіча.

Наведаць выставу можна з 23 сакавіка па 30 красавіка. Кошт 50 кап.

 Падрабязней па тэлефоне 2-21-48.

Запрашаем!