Урачыстае мерапрыемства, прымеркаванае да Дня вызвалення раёна ад нямецка-фашысцкіх захопнікаў, адбылося на Ганцаўшчыне 8 ліпеня.
Распачалося мерапрыемства ў 8.30 гадзін урачыстым мітынгам на гарадской плошчы ля помніка воінам і партызанам, што загінулі ў гады Вялікай Айчыннай вайны. Затым адбыліся аўта- і велапрабегі, удзел у якіх прынялі прадстаўнікі працоўных калектываў Ганцаўшчыны. Па пяці маршрутах раз’ехаліся ганцаўчане, каб аддаць даніну павагі тым, хто загінуў у гады ваеннага ліхалецця. Да кожнага помніка загінуўшым воінам, партызанам, падпольшчыкам і мірным жыхарам былі ускладзены кветкі і вянкі.
